متحدہ کے رہنما فاروق ستار بہادرآباد پہنچ گئے

sample-ad

کراچی : متحدہ کے رہنما فاروق ستار بہادرآباد پہنچ گئے ہیں جہاں پر ان کا شاندار استقبال کیا گیا ہے۔ پہلے متحدہ کےرہنما فاروق ستار کی دعوت پر خالد مقبول نے لاعلمی ظاہر کی تھی،لیکن ساتھ ہی اتحاد کیلئے انہیں دعوت نامہ بھی بھیج دیا تھا۔

خالد مقبول صدیقی کا کہنا تھا کہ سوشل میڈیا سے علم ہوا، اب انہیں دعوت دی ہے۔ اس موقعے پر انہوں نے مہاجروں کے حقوق کیلئے آپسی اختلافات بھلانے کا عزم بھی ظاہر کردیا ۔ جس کے بعد اب فاروق ستار بہادرآباد پہنچ گئے ہیں جہاں ان کا پرتپاک استقبال کیا گیا ہے۔

بہادرآباد آمد کے بعد متحدہ قومی موومنٹ کے رہنما فاروق ستار نے خالد مقبول صدیقی کے ہمراہ مشترکہ پریس کانفرنس کی ہے۔

پریس کانفرنس میں فاروق ستار کا کہنا تھا کہ آپ تار پر کھڑے ہوتے ہیں تو میرے تار ہلنے لگتے ہیں۔ ان کا کہنا تھا کہ ہم اس یکجہتی کیخلاف ہونے والی سازش کو ناکام بنائیں گے۔

فاروق ستار نے مزید کہا کہ میں ایم کیو ایم پاکستان اور اپنے مرکز آگیا ہوں ، مقصد محض ایک جلسہ کرنے کا ہی نہیں ہے۔

اس موقعے پر خالد مقبول صدیقی کا کہنا تھا کہ مہاجروں کو رسوا کرنیکی اجازت نہیں دیں گے۔یہ جذبہ مہاجر قوم کے جذبات کے اظہار کیلئے ہے۔ انہوں نے مزید کہا کہ اردو سب کو جوڑتی ہے۔

Facebook Comments

POST A COMMENT.